Sarrerak zozkatuko ditugu Disney Live! Mickey's Music Festival-erako

Disney Live! Mickey?s Music Festival familia osoarentzako ikuskizuna ez galtzeko moduko ekitaldia da, eta EiTBren Hiru3 klubari esker doan ikusi ahal izango duzue. Izan ere, Miribillako Bilbao Arenan apirilaren 10ean, 19:00etan, izango den emanaldirako 5 sarrera bikoitz zozkatuko ditugu gure kideen artean.

Disneyko 25 pertsonaia baino gehiago arituko dira kantan eta dantzan Disney eta Pixar etxeetako La Sirenita, Aladdin eta Toy Story filmetako izarrekin. Eta, gainera, Disney etxeko betiko abesti ezagunak gaur egun oso modan dauden beste estilo batzuen doinuez (Hip Hop, Pop, Swing, Reggae, Rock, Country...) entzungo ditugu.

Mickey Mouse eta Minnie Mouse, Donald eta Goofy lagunak; Ariel, Sebastian eta Ursula; Jasmine, Aladdin eta Jeinua; eta Woody, Buzz eta Jessie egongo dira bertan. Horiek guztiek hunkitu egingo dituzte entzuleak eta gogora ekarriko dizkiete garai guztietako istoriorik politenak.

Martxoaren 7an eta 8an, Donostiako Kursaalen ikusi ahal izan zen ekitaldia, eta martxoaren 12tik 14ra Gasteizko Fernando Buesa Arenan. Apirilaren 12tik 14ra, berriz, Miribillako Bilbao Arenan gozatu ahal izango dugu ikuskizun liluragarri horrekin.

Apirilaren 7an, asteartea, eguerdiko hamabietan, bost sarrera bikoitz zozkatuko ditugu Miribillako Bilbao Arenan apirilaren 10ean arratsaldeko zazpietan izango den ikuskizunerako, eta posta elektroniko bidez edo telefono bidez jarriko gara harremanetan irabazleekin asteartean bertan.

Zozketan parte hartzeko, Hiru3 webgunearen Zozketak atalean sartu behar zarete, eta bertan eskatzen diren datuak bete beharko dituzue, Hiru3 klubeko bazkide zenbakia zein den zehaztuta.

Bazkide egitea oso erraza da. Inprimaki hau bete eta hiru3@eitb.eus helbide elektronikora bidali baino ez duzue egin behar.

Zorte on!