Albisteak
Gorka Maneiro, UPyD
'UPyDren printzipioei eutsi nahi diegu alderdi txikiekin hitz eginda'
B.F.
EiTB
Gorka Maneiro, UPyD alderdiko legebiltzarkideari elkarrizketa egin diogu bere alderdia Eusko Legebiltzarreko hauteskundeetara ez dela aurkeztuko jakin ondoren.
-
5:34 min
Elkarrizketa politikoen tartean, Gorka Maneiro UPyD alderdiko legebiltzarkidea hartu du Euskadi Irratiko 'Faktoria'k.
Maneirok azaldu duenez, hainbat arazo tarteko, UPyD-k ezin izan du Eusko Legebiltzarreko hauteskundeetarako hautagaitzarik aurkeztu. Arazo horietako bat, zerrendak osatzeko izan duten sailtasuna da. Hauteskunde hauek oso garrantzitsuak direla gaineratu du Maneirok, eta momentu honetan, aurre egiteko indarrik ez dutela argudiatu du. Orain, "haizea hartu" eta UPyD-ren proiektu politikoa "indartu eta birsortu" nahi dutela adierazi du Maneirok. Hartutako erabakia "ausarta" eta "garrantzitsua" dela azpimarratu nahi izan du.
Ciudadanos UPyD-ren baliokidea ote den galderari erantzunez, ezezkoa eman du Maneirok. Ideia batzuetan bat datozen arren, proiektu ezberdinak dituztela defendatu du legebiltzarkideak.
