Enpresen itxiera eta etxegabeak hizpide, ‘Faktoria’n

8:00etan emango diogu hasiera asteko lehen ‘Faktoria’ri, Euskadi Irratiko orduz orduko informazio zerbitzuarekin. Jarraian, Eguzki Urteaga, Mikel Aramendi eta Maria Solana solaskide ditugula, eguneko albisteen errepasoa egingo dugu.

9:00ak aldera, Sestaoko Arcelor Mittal eta Iruñeko TRW enpresen itxierak izango ditugu hizpide. Ordu erdi geroago, Maite Arroitajauregi ‘Mursego’k ‘Etxegabetzeak eta musika’ izeneko tartea eskainiko digu. Gainera, Gernikako pediatra elkarrizketatuko du Maite Artolak, Faktoria albistegia ixteko.

Faktoria magazinean, etxegabeen gaia landuko dugu, kale hezitzaile baten eta etxegabe baten lekukotzak entzunez. 10:30ean, Martin Gartziandia Gasteizko sindikoa mozorroak eta legearen arteko harremanaz mintzatuko da.