Gasteizko horma irudien ibilbidea, gaurko ‘Faktoria’n

8:00etan emango diogu hasiera asteko azken ‘Faktoria’ri, orduz orduko informazio zerbitzuarekin. 8:30ean, ‘Pentsalariak’ tartean, Felipe Juaristi, Garbiñe Ubeda eta Arantxa Urretabizkaia izango ditugu solasean. Azken honek, argitaratzen jarraitzen duten sortzaile jubilatuen inguruan hitz egingo digu.

9:00etan, Uxue Barkos Nafarroako Lehendakariari egingo diogu elkarrizketa. Azkenik, ostiraletako alkateen solasaldian, Mikel Serrano (Zumarraga), Maria Ubarretxena (Arrasate), Oihaneder Indakoetxea (Barañain) izango ditugu.

Unai Brea eta Jurdan Arretxeren eguneko titularren errepasoarekin emango diogu hasiera Faktoira magazineari. Jarraian, Sestaotarrek Arcelor Mittalen itxiera nola bizi duten aztertuko dugu, Amaia Artetxe lankideak egindako inkestaren bitartez.

11:00etan, gonbidatu bereziak izango ditugu estudioan. ETBko lehiaketetan gehien iraun dutenak izango ditugu gurean. Hauen artean, aste honetan Buruberon 27.000 euroko zorroa irabazi duen lehiakidea.

12:00etan, ‘Basklink’ atalean, Leire Agirrezabala eta Esti Verak Gasteizko horma irudien ibilbidean barrena eramango gaituzte.