X

Irratia zuzenean

Faktoria%20|%20EiTB%20Euskadi%20Irratia

Faktoria

Arnaldo Otegi: "Lanean ari gara diskretuki armagabetzea gauzatu dadin"

Faktoria

Arnaldo Otegi

'Lanean ari gara diskretuki, armagabetzea gauzatu dadin'

2017/02/10

Arnaldo Otegi Sortuko idazkari nagusi eta EH Bilduko bozeramailea izan da 'Faktoria'n.

  • Arnaldo Otegi

    Arnaldo Otegi

    29:09 min
  • Partekatu
  • Bidali

Iruzkinak

Frantzia eta Espainiako Gobernuak eragozpenak jartzen ari diren arren, armagabetzea urrats ezinbestekoa dela azaldu du Arnaldo Otegi Sortuko idazkari nagusi eta EH Bilduko bozeramaileak 'Faktoria' saioan egindako elkarrizketan: 'Estatuek nahi ez badute ere, ezker independentista, diskrezio osoz, lanean ari da armagabetzea gauzatu dadin'. Gaineratu du gizarte zibilak hartu duela prozesu horren protagonismoa, eta hari dagokiola epeak jartzea, baina zehaztu du, euren ustez, armagabetzea eta gero, ETAk erabaki behar duela 'eztabaida prozesu baten bidez eskema politikotik desagertzea'.

Lehendakariari zuzenduta, Otegik esan du ETAk hiltzea gaizki egon zela onar diezaioten eskatzea ez dutela termino etikoetan egiten. 'Lehendakariak duen interesa politikoa da: ezker abertzalea umiliatzea', azpimarratu du. Ildo horretatik, eskatu du gertatutakoaren kontaketa inklusiboa egin behar dela, eta iritzi dio 'gizarte honetako sektore bat umiliatuta sentiarazteak ez dakarkio ezer onik gizarte honi'.

Kataluiniako prozesuak derrigorrean mugitzea eragin behar lukeela azaldu du, eta 'gurekin zerikusirik ez balu bezala' bizitzen ari omen delako euskal gizartea. Alde horretatik, EAJri dei egin dio aurre ikusi dezan, balizko Kataluinia independente batek gure ekonomiari nola eragingo liokeen.

Burujabetzaren bidean ez du ikusten, gaur gaurkoz, EAJ, baina 'hamar urte barru, ikusiko dugu'. Bide horretan abiatzeko EH Bildu, gehiengo sindikala eta intelektual independiente talde bat prest daudela ere gaineratu du Arnaldo Otegik.

 

Iruzkinak

Publizitatea
Publizitatea

Azken audioak

Audio gehiago

Publizitatea
Publizitatea
Publizitatea

Bisitatuena

    Kargatzen ikusiena
        Kargatzen ikusiena