Faktoria
Iñaki Gomez
'Kameren atzean zenbat talentu dagoen frogatzea lortu du 'Handia'k'
Irusoingo ekoiztetxeko produktore exekutiboak uste du kalitate handiko talde oso konpetentea duela euskal zinemagintzak
-
8:26 min
"Ametsetan ere ez" zuen irudikatu Handia-ko lantaldeak hainbeste Goya hautagaitza izango zituztenik. Iñaki Gomez Irusoingo produktore exekutiboaren arabera, euskal zinemagintzak duen lan-taldearen kalitatea eta konpetentziaren mailaren erakusgarri da hori. Bereziki pozik daude, kamera aurreko lana bezala, kameren atzean dagoen proiektuaren neurria baloratu delako: 'Handia-k lortu du frogatzea zenbat talentu dagoen kamaren atzean'.
Azaldu du filma bakoitza dela, diruari begiratuta, "abentura handi bat', baina horrelako erronkek, "bere lana maite duen lan-taldearekin" eginda, erronka zoragarri bilakatzen direla azaldu du. Aitortu du Euskal Herritik kanpora Handia-k ez duela uste zuten harrera izan areto komertzialean, baina Goyen inguruan, filmari beste bultzada bat ematen saiatuko direla esan du.
Otsailaren 3ko galan zer gertatuko den ez dakite -"arrasorik ere ez"-, baina ahaleginduko dira, baita ere, Espainiako zinema akademiako kideengana hurbiltzen ("aktoreek dute pisurik handiena"). Hala ere, hautagaitza kopurua bera "sari zoragarria" jada badela azpimarratu nahi izan du Irusoineko produktoreak.
