Arrauna
19 estropada
2018ko Eusko Label Ligako egutegia
Erredakzioa
Arraun denboraldi ofiziala ekainaren 23an edo 24an hasiko da Bilbon eta irailaren 16an amaituko da Portugaleten. Guztira, 19 estropada izango ditu.
Traineruen Kluben Elkarteak (TKE) larunbat bat honetan publikatu du 2018ko Eusko Label Ligaren egutegia. Guztira, 19 estropada izango ditu txapelketak. Ekainaren 23an edo 24an hasikoda Bilbon eta irailaren 16an amaituko da Portugaleten.Bestalde, emakumeen Euskotren Ligak 14 estropada izango ditu, iaz baino sei gehiago.
Eusko label Ligako lehen zatiak 11 estropada izango ditu, abuztuako lehen asteburuan jokatuko den Espainiako Txapelketara arte. Bilboko estropadaren ostean, Sestao, Zierbena, A Coruña -jardunaldi bikoitza-, Donostia, Castro Urdiales, Pasaia, Orio, Getxo eta Santurtzi izango dira estropaden jokalekuak.
Denboraldiaren bigarren zatian estropadak egingo dira, Ondarroan, Hondarribian, Zarautzen -jardunaldi bikoitza- eta bi proba Galizian -Moañan eta Boiron-. Galiziako estropaden ostean ezagutuko dira lehen zortzi sailkatuak zeintzuk diren, eta zortzi hauek parte hartuko dute Bermeoko bi estropadetan eta Portugaletekoan.
Urdaibai da txapelduna eta titulua defendatuko du. Bermeoko taladeak Caixabank Koroa jaso nahi du berriro. Urdaibairekin eta igo berriak diren Santurtzirekin eta Donostiarrarekin batera, Orio, San Juan, San Pedro, Kaiku, Zierbena, Ondarroa, Tiran eta Cabo taldeek osatuko dute Eusko Label Liga.
TKEk honako izendapenak ere egin ditu: Tomas Gonzalez izango da Disziplina epaile berria, Jose Maria Redondo izango da Txapelketako epailea eta Pedro Olmedillo, TKEko lege-aholkularia.
2018ko Eusko label Ligako egutegia:
Ekainak 23 edo 24 Bilbo
Ekainak 30 Sestao (1)
Uztailak 1 Petronor (Zierbena) (1)
Uztailak 7 edo 8 A Coruña (1)
Uztailak 14 Donostiarra (Donostia) (1)
Uztailak 15 Caixabank (Castro Urdiales) (1)
Uztailak 21 Pasaia (1)
Uztailak 22 Orio (1)
Uztailak 28 Getxo (1)
Uztailak 29 Santurtzi (1)
Abuztuak 11 Ondarroa (1)
Abuztuak 12 Hondarribia (1)
Abuztuak 18 eta 19 Zarautz (1)
Abuztuak 25 Moaña
Abuztuak 26 Boiro
Irailak 15 Bermeo
Irailak 16 El Corte Ingles (Portugalete)
- (1): Emakumeen Eusko Tren Ligako estropada ere egongo da.
