Beste kirolak
Moto GP
Jorge Lorenzok irabazi du denboraldiko azken lasterketa
Erredakzioa
Baleareetako pilotua izan da nagusi Valentziako Sari Nagusian eta garaipena lortuta esan dio agur Yamaha taldeari. Lasterketan, Marquez izan da bigarren eta Iannone, hirugarren.
Jorge Lorenzok (Yamaha YZR M 1) irabazi du Valentziako Sari Nagusia Moto GP mailan, denboraldiko azken lasterketa, eta garaipena lortuta esan dio agur Yamaha taldeari.
Lorenzo jaun eta jabe izan da Chesteko Ricardo Tormo zirkuitruan. Marc Marquez (Honda) izan da bigarren eta Andrea Iannone (Ducati), hirugarren. Pilotuen munduko txapelketan Marc Marquez izan da txapelduna, Valentino Rossi bigarrena eta Jorge Lorenzo hirugarrena. Taldeen munduko txapelketan Yamahak lortu du garaipena Hondaren gainetik.