Alavesek Athleticen aurkako azken lau partidetatik bi irabazi ditu

Alavesek lau partida daramatza Athleticen aurka galdu barik. Bi taldeek euskal derbia jokatuko dute igandean, San Mamesen, 18:30ean Ligako 18. jardunaldian.

2003-2004 denboraldian galdu zuten gasteiztarrek azken aldiz bilbotarren aurka. Orduan Athletic 2 eta 4 nagusitu zen Mendizorrotzan. Astudillo eta Magnok egin zituzten arabarren golak, era Yestek, Etxebek eta Urzaizek bizkaitarrenak.

Alavesek orain arte San Mamesen lortu duen garaipen bakarra 2005-2006 denboraldian izan zen. Orduan Chuchi Cosek zuzentzen zuen taldeak 0 eta 2 irabazi zuen, Nenek eta Bodipok egindako golei esker.

Denboraldi horretako itzuliko partida eta 10 urte ondoren jokatutako hurrengo norgehiagoka hustean amaitu ziren. Ondoren Alavesek Athletici irabazi zion Mendizorrotzan 1 eta 0 Theo Fernandezek egindako golarekin.

Horrela, azken lau partidetan arabarrek lortutako bi berdinketek eta bi garaipenek aurreko urteetako bolada txarrarekin amaitu dute. Ordura arte, Athleticek  24 partidetatik 22 irabazi zituen.