Athletic Club
Larunbatean, San Mamesen
Athleticek Iraola omenduko du Vila-realen aurkako partidaren amaieran
eitb.eus
Neurketa amaitu ondoren San Mamesen geratzeko eskatu die klubak zaleei.
-
Andoni Iraola, Gurpegirekin. Argazkia: Efe.
Andoni Iraolari omenaldi txiki bat egingo diotela iragarri du Athleticek bere webgunean. Ligako azken jardunaldian omenduko dute, Vila-realen aurkako partida amaitu eta berehala.
Klubak bere webgunean aditzera eman duenez, ekitaldi horretan bertan lehen taldeko jokalariak agurtuko dituzte, maiatzaren 30ean jokatuko duten Errege Kopako finalaren atarian.
Hori dela eta, klubak bideo berezi bat prestatu du, eta Iraola omendu ostean emango dute.
