Athletic Club
Utzita, Karankaren taldera
Kike Sola, Middlesbroughera
Erredakzioa
Championshipean jokatzen duen talde ingelesean utzita amaituko du denboraldia Athleticeko aurrelariak. Aitor Karankaren aginduetara egongo da. Viguera taldean geratuko da.
-
Kike Sola. Argazkia: EFE
ETBk jakin ahal izan duenez, Kike Solak Middlesbrough taldean utzita amaituko du denboraldia. Athleticeko aurrelariak ez du Valverderen konfiantza eta Championshipean jokatzen duen talde ingelesera joatea erabaki du. Entrenatzaile euskalduna izango du bertan, Aitor Karankak zuzentzen baitu, eta helburua Premier Leaguera igotzea da.
Athleticek 2013. urteko ekainaren 3an fitxatu zuen Kike Sola Osasunatik eta denboraldi bi t'erdi eman ditu talde zuri-gorrian, irtetzea erabaki duen arte. Talde gorritxoak Cascanteko aurrelaria utzita eraman nahi zuen denboraldi amaierara arte, baina ez du lortu.
Solaren irteerak Viguera Athleticen geratzea eragingo du. Sportingek eta Alavesek Borja Viguera utzita eraman nahi zuten, baina Kike Solaren irteerarekin Athleticek ez du beste aurrelaririk eta errioxarra talde zuri-gorrian geratuko da.
an geratuko da.an geratuko da.an geratuko da.