Athleticek Getaferen aurka jokatuko du, Europako postuei begira

Athleticek Getafen jokatuko du larunbat honetan, Europako postuetan sartzeko helburuarekin, Eibarren aurkako garaipen handiaren eta Bartzelonaren aurka emandako itxura onaren osatean. Madrildarrek, berriz, sailkapenean gora egin nahi dute.

Kopatik kanpo geratu arren, talde zuri-gorria indartuta atera zen Nou Campetik, izan ere, Bartzelona estu eta larri jarri zuten lehen zatian, markagailuan 0-1 aurrea hartuz.

Bilbotarrek barruak hustu zituzten, eta orain ligan jardun behar dute buru-belarri, otsailaren 18an Marseillako Olympiquen aurka Europa Ligan lehiatu arte.

Ernesto Valverdek duen kezka nagusia bere jokalarien egoera fisikoa da, duela 72 ordu eskas pasa direlako Bartzelonaren aurkako kanporaketa jokatu zutenetik.

Ustezko hamaikakoak

Getafe: Guaita; Damián Suárez, Vergini, Cala, Roberto Lago; Lacen, Juan Rodríguez; Pedro León, Víctor Rodríguez, Moi Gómez; eta Álvaro Vázquez.

Athletic: Iraizoz; De Marcos, Bóveda, Laporte, Balenziaga; San José, Beñat; Williams, Eraso, Susaeta; eta Aduriz.

Epaileak: Estrada Fernández (kataluniarra).

Estadioa: Coliseum Alfonso Pérez.

Ordua: 18:15ean.