Athletic Club
Tumore bat antzeman diote
Yeray: 'Indar handiagoarekin itzuliko naiz'
Agentziak | Erredakzioa
Jokalariak mezu piloa jaso du futbolarien, taldeen eta kirol erakundeen partetik, eta eskerrak eman dizkie emandako animoengatik eta babesagatik.
-
Yeray, Lezamako entrenamendu batean. Argazkia: Efe.
Yeray Alvarez Athleticeko jokalariak eskerrak eman ditu barrabil batean tumore bat zuela jakin zenetik jasotako animo mezuengatik. Atzelariari ebakuntza egingo diote asteartean. Bizkaitarrak esan duenez, "ziur" da "dena ondo aterako dela" eta "indar handiagoarekin" itzuliko dela.
"Eskerrik asko bidalitako mezuengatik eta emandako babesagatik, benetan. Ziur naiz dena ondo aterako dela eta indartsuago itzuliko naizela", idatzi du jokalari zuri-gorriak sare sozialetako bere profiletan.
Josean Lekue Athleticeko osasun zerbitzuetako arduradun nagusiak eta Josu Urrutia klubeko presidenteak prentsaurreko batean eman zuten Yerayren gaixotasunaren berri.
Mezu ugari
Futbol munduko hainbat pertsonak mezuak bidali dizkiote Yerayri euren babesa agertzeko eta animoak emateko.
Albistea zabaldu eta ordubetera, Twitter bidez mezu ugari jaso ditu atzelari gazteak: Reala, Alaves, Eibar, Osasuna, Atletico Madril, Villarreal, Espanyol, Elx, Granada, Levante, Huesca, Leganes, Mirandes edo Baskonia eta Laudio bezalako taldeek elkartasuna agertu diote.
Futbol jokalari askok ere animoak eman dizkiote: Muniain, Williams eta San Jose taldekideek, Alvaro Arbeloak, Ander Herrerak, Ibai Gomezek eta Julen Guerrerok, besteak beste.
Traola: #eutsiYeray
Halaber, Bilbao Basketek eta EH Bilduk ere euren mezuak helarazi dizkiote.
Athleticek #eutsiYeray traola sortu du, mezu guztiak bideratzeko.
Animo asko Yerai eta @athletic_eus-eko familia osoari. Aurrera egingo duzu. Derbi askotan ikusi nahi zaitugu. pic.twitter.com/2JxoFGhTDW
— Real Sociedad Fútbol (@RealSociedadEUS) 23 de diciembre de 2016
Zurekin gaude @yerayalvarez4 Pronto te veremos de nuevo de corto. Todo nuestro ánimo y un cariñoso abrazo! #eutsiyeray @AthleticClub
— SD Eibar (@SDEibar) 23 de diciembre de 2016
Mucha fuerza @yerayalvarez4 , todos estamos contigo! Zurekin gaude denok. #eutsiYeray pic.twitter.com/2vzZ0GfojY
— kepa Arrizabalaga (@kepa_46) 23 de diciembre de 2016
Mis mejores deseos y todo mi apoyo @yerayalvarez4 . #eutsiYeray ¿
— Iñigo Martinez (@InigoMartinez91) 23 de diciembre de 2016
t="utf-8">Zurekin gaude denok Yeray!! // Nos tienes a todos a tu lado! ¿¿ #EutsiGogorYeray#AnimoYeray pic.twitter.com/cf6GwGHYSE
— Mikel San José (@mikelsanjo6) 23 de diciembre de 2016
