Athletic Club
Igandean, 12:00etan
Athletic eta Alaves, urteko lehen derbia San Mamesen
Agentziak | Erredakzioa
Zuri-gorriek Bartzelonari irabaztetik datoz, 2-1 Kopako joaneko partidan. Gasteiztarrek, berriz, zazpi partida daramatzate galdu gabe Ligan eta Kopan.
-
San Mamesek urteko lehen derbia hartuko du. Argazkia: Efe.
Athleticek Europa Ligako postuetan sartu nahi du Alavesen kontrako derbia irabazita. Bi taldeek indarrak neurtuko dituzte urteko euskal derbian, San Mamesen (12:00etan).
Ernesto Valverderen taldeak 2016ko azken jardunaldian egindakoari eutsi nahi dio: orduan Celtari irabazi zioten 2 eta 1. Zazpigarren dira sailkapenean, 26 punturekin, eta Europan jokatzeko eskubidea ematen duten postuak bi puntura dituzte.
Gainera, bilbotarrek irudi bikaina eman dute aste honetan bertan, Bartzelonari Kopako joaneko partidan 2 eta 1 irabazita.
Aurrean Alaves izango dute. Gasteiztarrek zazpi neurketa daramatzate galdu gabe, Liga eta Kopa kontuan hartuta. Gainera, Mauricio Pellegrinoren taldeak puntuak atera ditu Ligako azken norgehiagoketan: 12 puntutik zortzi. Azken jardunaldia Betisi irabazi zioten 1 eta 0.
Aste honetan bertan, bina egin dute Deportivorekin Kopako final-zortzirenetan, 0 eta 2 irabazten joan ostean.
Ustezko hamaikakoak
Athletic: Kepa; Bóveda, Etxeita, Laporte, Balenziaga; Iturraspe, Beñat; Susaeta, Raúl García, Muniain; y Aduriz.
Alaves: Pacheco; Kiko Femenía, Laguardia, Feddal, Raúl García; Marcos Llorente, Dani Torres; Ibai, Camarasa, Édgar; y Deyverson.
Epailea: Del Cerro Grande (Madril)
Zelaia: San Mames.
Ordua: 12:00etan.
