APOELek David Barral fitxatu du

APOEL izango da Athleticen aurkaria Europa Ligako final-hamaseirenetan eta Txipreko taldeak David Barral fitxatu du. Aurrelari espainiarrak Granadarekin zuen kontratua eten eta Nikosiako taldearekin sinatu du.

Barralek 33 urte ditu, eta 17 zenbakiarekin jokatuko du. Real Madrileko harrobian ibilitakoa da, eta San Fernando, Fuenlabrada, Real Madril Castilla, Sporting, Orduspor (Turkia), Levante, Al-Dhafra eta Granada taldeetan jokatu du.

APOEL Txipreko Ligako lehen postuan da 46 punturekin, bigarren sailkatua den AEK Larnaca taldearekiko puntu bateko abantaila duelarik.