Publizitatea
X

Irratia zuzenean

Athleticek porrota jaso du Mestallan eta jaitsieratik bi puntura dago

  • facebook
  • twitter

Athletic club

3-2, Valentziaren aurka

Athleticek porrota jaso du Mestallan, eta jaitsieratik bi puntura dago

Erredakzioa

2017/10/01

Talde zuri-gorriak 3-2 galdu du Valentziaren aurka. Zigandak aulkian utzi ditu Aduriz eta Raul Garcia, eta bigarrenean zelairatutakoan, golak sartzeaz gain, taldeak askoz hobeto jokatu du.

  • Laporte, burumakur Valentziaren aurka galdu ostean. Argazkia: EFE

    Laporte, burumakur Valentziaren aurka galdu ostean. Argazkia: EFE

    Laporte, burumakur Valentziaren aurka galdu ostean. Argazkia: EFE
  • Partekatu
  • Bidali

Iruzkinak

Athleticek 3-2  galdu du Valentziaren aurka Mestallan, eta talde zuri-gorriak burua altxatu ezinda jarraitzen du. Krisialdi larrian murgildu da Zigandak zuzentzen duen taldea, eta jaitsiera postuetaik bi puntura dago, 7 jardunalditan 8 puntu bakarrik eskuratuta.

Aduriz, Raul Garcia eta Beñat aulkian uztea erabaki du Jose Angel Ziganda entrenatzaileak, eta erabakia garesti ordaindu du Athleticek. Hasierako minutu parekatuen ondoren, Valentzia hasi da baloiaren jabe izaten eta arriskua sortzen. Susaetak area kanpotik egindako jaurtiketari erantzun ona eman dio Neto atezainak, eta Kepak gauza bera egin du 26. minutuan Guedesen jaurtiketa geldiduta. Valentzia gero eta nagusiago izaten hasi da, eta Zazak 1-0ekoa sartu du 29. minutuan. Gola hartu eta lau minutura, epaileak Kepak Rodrigori egindako penaltia adierazi du, eta Parejok 2-0ekoa sartu du. Lau minututan bi gol hartzeak min egin dio Athletici, eta aldea murrizteko izan duen abagune bakarrean Neto atezainak zuri-gorrien gola eragotzi du, Vesgaren jaurtiketa kornerrera desbideratuta.

Bigarren zatiari ekiteko, Aduriz zelairatu du Zigandak San Joseren ordez, eta aldaketak etekina eman dio taldeari, Adurizek 2-1ekoa sartu baitu 59. minutuan. Gol bikaina sartu du aurrelari zuri-gorriak. Desabantaila murriztea lortu arren, sei minutu geroago, Rodrigok 3-1ekoa egin du Valentziarentzat, Kepa atezainaren huts bat baliatuta. Raul Garcia ere zelairatu du Zigandak Williamsen ordez, gaurkoan kaskar aritu baita. Aldaketa honek ere emaitza ona eman dio Athletici, Raul Garciak 3-2koa sartu baitu 76. minutuan. Azken txanpan, Athleticek berdinketaren bila jo du, arriskua sortu du Valentziaren ate inguruan, baina zuri-gorriak ez dira hirugarren gola sartzeko gai izan, eta porrotarekin itzuli behar izan dira Mestallatik.

Fitxa teknikoa:

3 - Valentzia: Neto, Montoya, Garay, Gabriel Paulista, Gaya, Parejo, Carlos Soler, Andreas Pereira (Maksimovic, 71. min), Guedes (Lato, 83. min), Rodrigo (Sant Mina, 73. min) eta Zaza.

2 - Athletic Club: Arrizabalaga, Lekue, Nuñez, Laporte, Balenziaga, San Jose (Aduriz, 46. min), Vesga, Iturraspe, Susaeta, Cordoba eta Williams (Raul Garcia, 60. min).

Golak: 1-0: 27. min: Zaza. 2-0, 35. min: Parejo, penaltiz. 2-1, 59. min: Aduriz. 3-1, 65. min: Rodrigo. 3-2, 76. min: Raul Garcia.

Epailea: Hernandez Hernandez.

Iruzkinak

Publizitatea
Emakumeen Kirola Partidak zuzenean, bideoak, kronikak... Emakumeen Kirola
Publizitatea

EiTB Kirolak

Hurrengo zuzenekoak

  • Gaur
  • ig.
  • al.
  • ar.
  • az.
  • og.
  • or.
#-en_emision-# 20:30 - 23:30 ATLETISMOA: Bilbao Night Marathon
23:35 - 00:05 GOL FESTA. Ligako golak
Euskal Selekzioak Euskal selekzioak irabazi egin dio Korsikari,… Euskal Selekzioak
Publizitatea
Publizitatea

Bisitatuena

    Kargatzen ikusiena
        Kargatzen ikusiena