Athleticek mendean hartu nahi du Levante, garaipena zaleei eskaintzeko

Athletic eta Levante nor baino nor gehiago ariko dira gaur San Mamesen, 21:00etan. Talde zuri-gorriak garaipena lortu nahi du salbazioa bermatzeko eta zaleei garaipen bat eskaintzeko.

Jose Angel Ziganda entrenatzaileak ezingo du Aritz Aduriz erabili, aurrelaria min hartuta baitago. Ustezko hamaikakoa honakoa izan daiteke: Kepa; De Marcos, Unai Nuñez, Iñigo Martinez, Balenziaga; Susaeta, Iturraspe, San Jose, Cordoba; Raul Garcia eta Williams.

Levantek jaitsiera postuan dagoen Deportivok baino sei puntu gehiago ditu, eta salbazioa lortzeko aurrerapausoa eman nahi du San Mamesen. Erick Cabaco, Toño Garcia, Cheick Doukoure, Raul Fernandez eta Ivan Lopez bajan daude, min hartuta daudelako, eta Ruben Rochina zigortuta dago. Paco Lopez entrenatzaileak deialditik at utzi ditu Ivan Villar, Fahad Al-Muwallad, Ivan Lopez 'Ivi' eta Giampaolo Pazzini

Ustezko hamaikakoak:

Athletic: Kepa; De Marcos, Unai Nuñez, Iñigo Martínez, Balenziaga; Susaeta, Iturraspe, San Jose, Cordoba; Raul Garcia eta Williams.

Levante: Oier; Pedro Lopez edo Luna, Rober Pier, Postigo, Coke; Morales, Campaña edo Lukic, Lerma, Jason; Roger eta Boateng.

Epailea: Munuera Montero.

Zelaia: San Mames.

Ordua: 21:00.