Reala
Igandean, 12:00etan
Realak garaipena behar du Rayoren aurka
Agentziak | Erredakzioa
Txuri-urdinek Rayo Vallecanoren aurka jokatuko dute igandean, 12:00etan, Madrilen. Realak Agirretxeren eta Canalesen baja garrantzitsuak izango ditu. Helburua, jaitsiera postuetatik aldentzea da.
-
Iragan denboraldiko Rayo-Reala partidako irudia. Argazkia: EFE
Reala garaipen beharrarekin iritsiko da Rayo Vallecanoren aurkako partidara. Txuri-urdinek igandean jokatuko dute, 12:00etan, eta talde gipuzkoarraren helburua, garaipena lortu eta jaitsiera postuetatik aldentzea izango da.
Eusebio Sacristan entrenatzaileak aldaketak egin beharko ditu hamaikakoan. Imanol Agirretxe eta Sergio Canales min hartuta daude, eta ezingo dute Rayoren aurka jokatu. Aurrelari txuri-urdinaren kasuan, bere baja betetzea oso zaila izango da, bolada ezin hobean baitzegoen. Dena den, Jonathasek beste aukera bat izango du. Canales, aldiz, denboraldi bukaerara arte baja izango da, eta badirudi bere tokia Brumak beteko duela.
Ustezko hamaikakoak:
Rayo Vallecano: Yoel Rodriguez; Tito, Llorente, Ze Castro, Nacho; Trashorras, Raul Baena; Lass, Jozabed, Pablo Hernandez; eta Javi Guerra.
Reala: Rulli; Elustondo, Diego Reyes, Iñigo, Yuri; Illarra, Markel Bergara, Xabi Prieto; Bruma, Vela eta Jonathas.
Epailea: Mateu Lahoz.
Zelaia: Vallekas.
Ordua: 12.00.
12.00.12.00.