Reala
Igandean, 20:00etan
Realak garaipena behar du Malagaren aurka
Erredakzioa
Talde txuri-urdinak denboraldi honetako azken partida jokatuko Anoetan igande honetan, 20:00etan. Hiru puntuak lortzea da helburua Europako postuetan sartzeko borrokatik at ez geratzeko.
-
Rosales eta Yuri, lehen itzuliko Malaga-Reala partidan. Argazkia: EFE
Realak Malaga izango du aurkari igande honetan, 20:00etan. Talde txuri-urdinak Anoetan denboraldi honetan jokatuko duen azken partida izango da, eta hiru puntuak behar dituzte azken jardunaldian Europako postuengatik borrokan jarraitzeko.
Donostiako taldeak David Zurutuzaren baja garrantzitsua izango du, zigortuta baitago Sevillaren aurka txartel gorria ikusi zuelako. Zurutuzaren postua betetzeko Canales, Zubeldia eta Granero dira hautagaiak. Bestalde, Willian Jose jokatzeko prest egongo da. Realeko golegile nagusia berreskuratuko du Eusebio entrenatzaileak Malagaren aurkako lehiarako.
Malagak ez du ezer jokoan, baina denboraldiko unerik onenean dago. Michelek taldea hartu duenetik, maila oso ona ematen ari da, eta bolada onean dago talde andaluziarra. Ignacio Camacho (zigortuta), 'Duda' (min hartuta) eta Javi Ontiveros baja dira. Ontiverosek bigarren taldearekin jokatuko du Bigarren B Mailara igotzeko playoffa.
Ustezko hamaikakoak:
Reala: Rulli; Odriozola, Iñigo Martinez, Navas, Yuri; Illarramendi, Granero, Prieto; Willian Jose, Vela, Juanmi.
Malaga: Kameni; Torres, Luis Hernandez, Llorente, Ricca; Keko, Recio, Jose Rodriguez, Jony; Fornals, Sandro.
Epailea: Latre Santiago.
Zelaia: Anoeta.
Ordua: 20.00etan.
rong>20.00etan.