Reala
Igandean, 16:15ean
Realak Europako postuei begira jarraitu nahi du, jaitsita dagoen Malagaen aurka
Erredakzioa
Talde txuri-urdinak igandean jokatuko du Rosaledan, 16:15ean. Europako postuengatik borrokan jarraitu nahi dute donostiarrek.
-
Lehen itzuliko Reala-Malaga partidako irudiak. Argazkia: EFE
Realak Malaga izango du aurkari igande honetan Rosaledan, 16:15ean, Ligako 34. jardunaldiko partidan. Txuri-urdinek Europako postuetan sartzeko lehian jarraitzea dute helburu. Malaga Bigarren Mailara jaitsita dago matematikoki.
Imanol Alguacil Realaren kargu egin denetik, talde gipuzkoarrak berdinketa bat eta hiru garaipen eskuratu ditu. Gainera, Imanolek taldea zuzentzen duenetik Realak ez du gol bakar bat ere jaso. Malagaren aurkako partidarako baja dira min hartuta dauden Miguel Angel Moya eta Xabi Prieto.
Malagak partida txukuna egin nahi du bere zaleen aurrean, Bigarren Mailara jaitsita dagoen arren. Jose Gonzalez entrenatzaieak ez du lortu taldea salbatzea eta giroa nahasita dago Malagan. Hainbat baja ditu zale andaluziarrak, ondorioz, ez dira jokatzeko prest egongo: Juanpi Añor, Juan Carlos Perez, Federico Ricca eta Adalberto Peñaranda jokalariak. Bestalde, Samu Garcia jokatzeko prest egongo da, eta hamaikakora itzuliko da.
Ustezko hamaikakoak:
Malaga: Roberto; Rosales, Luis Hernandez, Ignasi Miquel, Torres; Lestienne, Lacen, Iturra, 'Chory' Castro; Adrian, Ideye.
Reala: Rulli; Elustondo, Hector Moreno, Llorente, De la Bella; Illarramendi, Zubeldia, Canales; Januzaj, Oyarzabal, Willian Jose.
Epailea: Xavier Estrada Fernandez.
Zelaia: Rosaleda.
Ordua: 16:15ean.
