'Partida berezia da, zaleengatik eta giroagatik'

Osasuna taldeko Fausto Tienza jokalaria jokatzen prest da jada eta gaur prentsa aurrean agertu da  Sadarreko futbol-zelaian jokatuko den Osasunaren eta Athleticen arteko euskal derbiaz mintzatzeko.

Denboraldiko lehen garaipena etxean lortu nahi dutela esan du, 'oso berezia da Athleticen kontrako partida, bai zaleengatik eta bai dagoen giroagatik. Topikoak dira, baina dena emango dugu beste behin garaipena eskuratzeko'.