Asteazkenean erabakiko dute futbolarien grebari buruz

Auzitegi Nazionalak asteazken honetarako deitu ditu futbolarien greban inplikatutako parte guztiak Profesionalen Futbol Ligak (LFP) eskatutako kautelazko neurriaz erabakitzeko.

Javier Tebas LFPko presidenteak helegitea jarri zuen aurreko ostiralean eta kautelazko neurria eskatu zuen Federazioak deitutako grebaren aurrean. Haren ustez "legez kanpokoa" da, "hitzarmen kolektiboa urratu ez delako".

LFP ere astelehen honetan bilduko da eta batzarrean gaiaz arituko dira. Federazioak greba deitu du larunbat honetatik aurrera.