Itxi

Futbola

Itzuleko partidak jokatuta

Arenas eta Gernika taldeak Bigarren B mailara igo dira

Agentziak | Erredakzioa

Arenasek Logroñes kanporatu du, itzuleko partidan 4-2ko emaitza lortuta eta jokalari bat gutxiagorekin jokatuta. Gernikak, berriz, bana egin du Osasunaren bigarren taldearen aurka.

  • Bi talde bizkaitarrak Bigarren B mailan arituko dira datorren denboraldian. EiTB.

    Bi talde bizkaitarrak Bigarren B mailan arituko dira datorren denboraldian. EiTB.

Getxoko Arenas taldeak Logroñes mendean hartu du Gobelan eta Bigarren B mailara igotzea lortu du. 4 eta 2 nagusitu dira bizkaitarrak, joaneko neurketan 0 eta 1 irabazi ostean. Arenasek, gainera, 10 jokalarirekin jokatu du ia partida guztia.

Javi Lopezek egin du getxoztarren lehen gola, eta beste hirurak, berriz, Jokin Aranbarrik egin ditu. Mario Leon eta Peña izan dira errioxarren golegileak.

Gernikak Osasuna Promesas gainditu du

Gernikak, bestalde, bana egin du Osasuna Promesasekin eta Bigarren B mailan jokatuko du, joaneko partidan 0 eta 1 gailendu zirelako.

Carracedok egin du etxekoen gola 16. minutuan, eta banakoa Morillasek sartu du, luzapenean.