Las Palmas, ezusteko liderra

LaLiga Santander futbol-ligako bi jardunaldi jokatu direnean, Las Palmas taldea dago lehen tokian. Jokatutako bi partidak irabazi dituzte: 2-4, Valentziaren kontra, eta 5-1, Granadaren aurka. Ezusteko liderra da.

Bestalde, euskal taldeei dagokienez, Eibarrek eta Realak hiru puntu dituzte (partida bat irabazi eta beste bat galdu dute), Alavesek bi ditu (bi berdinketa lortu ditu), Osasunak puntu bakarra du (bat berdindu eta beste bat galdu du) eta Athleticek ez du punturik (orain arte jokatu dituen bi partidak galdu ditu). Talde zuri-gorria jaisteko postuetan dago.