Itxi

Txapeldunen Liga

Gaur, 20:45ean

Juventus-Barça eta Borussia Dortmund-Monako final-laurdenei ekiteko

Erredakzioa

Txapeldunen Ligako final-laurdenetako lehen bi kanporaketetako joaneko partidak, 20:45ean.

  • Monaco. Argazkia: EFE

    Monacoko jokalariak Signal Iduna Parken egindako entrenamenduan. Argazkia: EFE

Gaur jokatuko dira Txapeldunen Ligako final-laurdenetako lehen bi kanporaketetako joaneko partidak. Turinen eta Dortmunden egongo da ikuskizuna, 20:45ean hasita.

Juventus eta Bartzelona taldeek Juventus Stadium zelaian jokatuko duten neurketa izango da astearteko partida handia. Juventus Italiako A serieko liderra da, eta konfiantza handiarekin iritsiko da partidara. Bartzelona, aldiz, bigarren da Espainiako Ligan, eta PSGren aurka kanporaketa iraultzea lortuta iritsi da Txapeldunen Ligako final-zortzirenetara.

Alemanian, Signal Iduna Park zelaian, Borussia Dortmund eta Monako taldeek jokatuko dute. Dortmundeko taldeak 4-1 galdu du asteburuan Bundesligan, Bayern Munichen aurka. Monako Frantziako Ligako liderra da, eta duela gutxi Kopako finala galdu du PSGren aurka.

Asteazkenean jokatuko dira final-laurdenetako beste bi kanporaketetako joaneko norgehiagokak. Bayern Munichek Real Madril izango du aurkari, Allianz Arenan, eta Atletico Madrilek Leicesterren aurka jokatuko du, Vicente Calderonen.

en.

  • Hau zure interesekoa bada, baliteke beste gai hauek ere izatea
  • Txapeldunen Liga