Motorra
Bat Formula
Hamilton gailendu da Silverstonen, Rosberg eta Vettelen aurretik
Agentziak | Erredakzioa
Felipe Massa eta Valtteri Bottas Williams taldeko gidariak laugarren eta bosgarren izan dira, hurrenez hurren. Fernando Alonsok hamargarren egin eta denboraldiko lehen puntua erdietsi du.
-
Lewis Hamilton, garaipena ospatzen. Efe.
Lewis Hamilton Bat Formulako Munduko Txapelketako liderrak irabazi du Britainia Handiko Sari Nagusia. Mercedes taldeko gidariak egindako denbora, 1h31:27.729. Bigarren Nico Rosberg taldekidea izan da, eta hirugarren, berriz, Sebastian Vettel (Ferrari). Fernando Alonsok hamargarren egin du, eta denboraldiko lehen puntua lortu du.
Gauzak horrela, britainiarrak bosgarren garaipena lortu du, bere ibilbideko 38.a, orain arte lehiatutako bederatzi lasterketetan. Munduko Txapelketako sailkapen nagusian aurkariekin duen aldea ere handitu egin du.
Felipe Massa eta Valtteri Bottas Williams taldeko gidariak laugarren eta bosgarren izan dira, hurrenez hurren. Biak lasterketa buruan izan dira hasieran, irteera bikaina eginda, baina Mercedesek erakustaldi taktikoa eman die eta gainditu egin ditu.
FINAL PROVISIONAL CLASSIFICATION #BritishGP pic.twitter.com/0xUcgLvaCF
— Formula 1 (@F1) julio 5, 2015
