Lau t'erdikoa
Final-laurdenetako ligaxka
Olaizola II.ak eta Urrutikoetxeak lehen garaipena lortu dute
Erredakzioa
Aimar Olaizolak 22-5 irabazi dio Bengoetxea VI.ari eta Urrutikoetxea 22-18 nagusitu zaio Juan Martinez de Irujori, Lau t'erdiko Txapelketako final-laurdenetako lehen jardunaldian.
Aimar Olaizolak eta Mikel Urrutikoetxeak Lau t'erdiko Txapelketako final-laurdenetako lehen garaipena lortu dute larunbat honetan. Ligaxkako lehen jardunaldian garaile atera dira bi pilotari hauek. Ostiralean, Altuna III.ak ere garaipena lortu zuen.
Ezusteko nagusia Mikel Urrutikoetxeak eman du. Bilboko Bizkaia frontoian jokatu duen partidan, 22-18 irabazi dio Juan Martinez de Irujori. Iberoko pilotariak hobeto ekin dio partidari eta abantaila handiak lortu ditu hasieran, baina Zaratamokoak ez du inoiz etsi eta azkenean, aurka zuen markagailua iraultzea lortu du.
Larunbateko beste partidan, Olaizola II.ak 22-5 jipoitu du Oinatz Bengoetxea. Aimar Olaizola jaun eta jabe izan da hasieratik amaieraraino eta Bengoetxea VI.ak ez du aukerarik izan.
