Itxi

X-deportes_cuatro y medio-X

X-deportes_cuatro y medio-X

Lau t'erdikoa

Final-laurdenak

Bengoetxearen garaipenak aukera guztiak ireki ditu taldean

M. D. | eitb.eus

Elezkanori markagailua irauli dio nafarrak Iruñeko Labrit pilotalekuan (22-21), eta A Multzoko pilotari guztiek dituzte sailkatzeko aukerak.

0:49
Bengoetxea

Bengoetxea VI.ak Elezkano II.ari irabazi dio (22-21) Lau T'erdiko Txapelketaren final-laurdenetako ligaxkaren bigarren jardunaldia. Nafarrak buelta eman dio markagailuari, tanto bakarren aldearekin gailentzeko Iruñeko Labriten.

Danel aurretik hasi da, baina lehenengo aldea Oinatzek jarri du (3-1). Hala ere, Elezkanori ihes egitea utzi dio nafarrak, nabarmen, partidatik bere burua aterata (5-13)

Bengoetxea Elezkanoren atzetik joan da neurketa osoan. Norgehiagoka ixteko aukera izango du bizkaitarrak; eta aurkaria, bitartean, ez du sendotasunik erakutsi.

Bizkaitarraren akatsek bizirik mantendu dute nafarra, eta berdinketa heldu da azkenean (18-18).

Danel Elezkano hobea izan da gero (18-21), baina txapeldunaren erantzunak, azkenean, ligaxkako lehen puntua eman dio.

Multzoko emaitzak kontuan hartuta, pilotari guztiek dituzte aukerak azken jardunaldian.

Markagailua: 0-1, 3-1, 3-9, 5-9, 5-13, 10-13, 10-15, 12-15, 12-17, 16-17, 16-18, 18-18, 18-21 eta 22-21.