Lau t'erdikoa
22-20
Agirrek Lau t'erdiko Promozio txapela lortu du, Peñari irabazita
eitb.eus
Jon Ander Peñari irabazi dio iruindarrak Labrit pilotalekuan (22-20), oso bukaera estuan, eta lehen mailarako txartela eskuratu du.
Asier Agirrek Jon Ander Peñari irabazi dio Lau t'erdiko Promozio Txapelketako finalean, Iruñeko Labrit pilotalekuan jokatutako norgehiagoka handian. Bi pilotariek emozioz beteriko finala jokatu dute.
Peña II.ak 6-0eko partzial batekin hasi du neurketa, baina aurkariak erantzun bikaina eman dio, eta 7-0eko beste partzial baten bitartez, lortu egin du aurretik joatea partida osoan zehar.
Bi pilotariek sakean mina egitea lortu dute. Jon Anderrek gertutik jarraitu du iruindarra, eta Agirrek 5 tantoko aldea baino ezin izan du jarri, partida hasieran.
19na heldu dira bukaerara, eta emozioz beteta egon da finala, baina Agirrek eskuratu du lehen mailan jokatzeko aukera.
Markagailuak: 0-6, 7-6, 7-7, 8-7, 8-8, 11-8, 11-9, 14-9, 14-14, 17-14, 17-15, 18-15, 18-18, 19-18, 19-19, 21-19, 21-20 eta 22-20.
