Real Madril eta Bartzelona, aurrez aurre finalean

Real Madrilek eta FC Bartzelonak jokatuko dute aurtengo ACB Kopako finala. Neurketa gaur jokatuko da Las Palmasen, 19:00etatik aurrera. Zuriek titulua defendatuko dute, eta katalanek mendekua hartzea izango dute helburu. Azken sei urteetan bost aldiz neurtu dituzte indarrak txapelketa honetako final handian.

Finalerdietan, Unicaja kanporatu du Barçak (87-79) eta Pablo Lasoren taldea Joventut baino gehiago izan da (83-100).