Formolok etapa irabazi du eta Clarke lasterketako lider berria da

Cannondaqle-Garmin taldeko Davide Formolo italiarrak Giroaren laugarren etapan garaipena lortu du. Bien Bitartean, Simon Clarke (Orica) australiarrak Michael Matthews taldekide eta herrikideari maglia arrosa kendu dio.

Formolo azkarrena izan da Chiavari eta La Spezia lotu dituen 150 kilometroko etapan. Simon Clarke australiarrari (Orica GreenEdge) eta Yonattah Monsalve venezuelarrari (Southeast Pro Cycling) 20 segundoko tartea atera die Formolok helmugan.

Honenbestez, Clarke Giroko lider berria da Esteban Chaves (Orica GreenEdge) kolonbiarraren eta Roman Kreuziger (Tinkoff-Saxo) txekiarraren aurretik. Chaves bigarrena da, 19 segundora, eta Kreuziger hirugarren, 17 segundora.

Formolo helmugara bakarrik heldu da. Etaparen azken kilometroetan erasoa jo du italiar gazteak, eta ihesaldiko txirrindulariak atzean utzi ditu. Ihesaldia osatu duten txirrindularien artean, Alberto Contador (Tinkoff-Saxo) eta Simon Clarke australiarra zeuden.

Astana eguneko talderik aktiboena izan da; izan ere, Kazakhstango taldeak erritmo gogorra ezarri du eta Matthews atzean geratu da helmugaraino oraindik kilometro asko falta zirenean. Gainera, Rigoberto Uran (Etixx-Quick Step) kolonbiarrak denbora baliotsua galtzea lortu du Astanak.

Asteazken honetan 152 kilometroko bosgarren etapa jokatuko da La Spezia eta Abetone artean.

Laugarren etapa:

1 Davide FORMOLO ITA TCG 3:47:59
2 Simon CLARKE AUS OGE 22
3 Jonathan MONSALVE VEN STH 22
4 Giovanni VISCONTI ITA MOV 22
5 Jhoan Esteban CHAVES RUBIO COL OGE 22
6 Fabio ARU ITA AST 22
7 Amaël MOINARD FRA BMC 22
8 Dario CATALDO ITA AST 22
9 Alberto CONTADOR VELASCO ESP TCS 22
10 Richie PORTE AUS SKY 22

Sailkapen nagusia:

1 Simon CLARKE AUS OGE 11:54:48
2 Jhoan Esteban CHAVES RUBIO COL OGE 10
3 Roman KREUZIGER CZE TCS 17
4 Alberto CONTADOR VELASCO ESP TCS 17
5 Fabio ARU ITA AST 23
6 Dario CATALDO ITA AST 23
7 Giovanni VISCONTI ITA MOV 29
8 Amaël MOINARD FRA BMC 31
9 Davide FORMOLO ITA TCG 31
10 Richie PORTE AUS SKY 37