Txirrindularitza
Tirreno Adriatikoa, 3. etapa
Garaipena eta lidergoa, Van Avermaetentzat
Erredakzioa
Belgikarrak zortzi segundoko aldea ateratzen dio sailkapen nagusian Adriano Malori orain arteko liderrari (Movistar), eta bederatzi Fabian Cancellara suitzarrari (Trek).
Greg Van Avermaet belgikarrak (BMC) irabazi du Tirreno Adriatiko lasterketako hirugarren etapa, 203 kilometrokoa, Cascina eta Arezo artean. Van Avermaet, gainera, sailkapeneko lidergoan jarri da.
Belgikarrak aurtengo denboraldian lortu duen lehenengo garaipena da gaurkoa. Bigarren Peter Sagan (Tinkoff) sartu da, eta irugarren, Zdenek Stybar (Etixx) txekiarra.
Sailkapen nagusian, Avermaetek zortzi segundo aldea ateratzen dio Malori italiarrari (Movistar), eta bederatzi Fabian Cancellara suitzarrari (Trek).
Larunbatean laugarren etapa korrituko dute; 218 kilometro Indicatore eta Castelraimondo artean.
