Txirrindularitza
Romandiako Itzulia
Etapa eta lidergoa Michael Albasinirentzat
Agentziak | Erredakzioa
Orica-GreenEdgeko suitzarrak Romandiako Itzuliaren bigarren etapa irabazi du, esprintean, eta liderraren maillota kendu dio Geraint Thomasi (Sky).
Michael Albasinik (Orica-GreenEdge) irabazi du Romandiako Itzuliaren bigarren etapan, eta liderraren mailota eskuratu du. 168 kilometro egin du etapak, Apples eta Saint de Imier artean.
Suitzarrak hiru etapa irabazi zituen iaz, eta gaurkoan esprintean eskuratu du lehenengoa, Jarlinson Pantiano (IAM) eta Julian Alaphilippen (Etexx-Quick Step) aurretik.
Txirrindulariek hiru bigarren mailako mendate eta hirugarren mailako bat igo dituzte. Jonathan Fumeaux (IAM9 eta Maksim Belkov (Katiuxa) ihes eginda egon dira, baina tropelak azken igoera hasi berritan harrapatu ditu. La Vue des Alpes helmugatik 18 kilometrora zegoen.
Geraint Thomasek zulatua izan du, eta atzean geratu da. Albasinik lidergoa kendu dio helmugan, Skyren laguntza ez delako nahikoa izan tropelera itzultzeko.
Helmugara bidean, Reim Taaramae (Astana) bakarrik joan da, baina Katiuxa eta Oricaren lanak esprinta behartu du, bi kilometroren faltan.
ETAPAKO SAILKAPENAK
/p>