Txirrindularitza
Romandiako Tourra
Ion Izagirrek atariko etapa irabazi eta liderraren elastikoa jantzi du
Erredakzioa
Movistar taldeko txirrindulariak prologoa irabazi du, eta Romandiako Tourreko lehen liderra da.
Ion Izagirre (Movistar) euskal txirrindulariak irabazi du Romandiako Tourraren atariko etapa eta bera da lasterketako lehen liderra. La Chaux-de-Fonds herrian egin den 3,95 kilometroko erlojupekoak eman dio hasiera lasterketari.
Izagirrek 5 minutu eta 33 segundo behar izan ditu ibilbidea betetzeko. Tom Dumoulin (Giant-Alpecin) izan da bigarren, 6 segundora eta Mikhail Kiatkowski (Sky) izan da hirugarren, 7 segundora. Chris Froomek (Sky) arazoak izan ditu, eta 26 segundora sartu da.
Gorka Izagirrek (Movistar) euskal txirrindularitzaren egun handia biribildu du, etapa bosgarren postuan bukatuta. Bere anaiarengandik 8 segundora gurutzatu du helmuga.
