Txirrindularitza
5. etapa
Froomek lidergoa kendu dio Contadorri, mendiko lehen etapan
Agentziak | Erredakzioa
Britainiarrak erasoa jo du helmugarako 2,6 kilometrora eta madrildarra 20 segundora sartu da.
1:29
Chris Froome (Sky) britainiarra da Criterium Dauphineko lider berria, mendiko lehen etapan garaipena lortu ostean. 140 kilometroko ibilbidea egin dute La Ravoire eta Vaujany artean.
Froomek erasoa jo du helmugarako 2,6 kilometrora eta helmugan sartu da 3 ordu 32 minutu eta 20 segundoko denbora eginda. Richie Porte bigarren izan da. Alberto Contador orain arteko liderra, berriz, 20 segundora sartu da.
Chris Froome da orain sailkapeneko lider berria, eta Porte, bigarren.
Larunbatean seigarren etapa jokatuko dute, 141 kilometro La Rochette eta Méribel artean.
