Txirrindularitza
Criterium Duaphine, 8. etapa
Fuglsang danimarkarrak irabazi du Dauphine, azken etapan gailenduta
Agentziak | Erredakzioa
10 segundoko denbora sariak sailkapen nagusiko lehen postua eman dio. Astana taldeko txirrindulariak erakustaldia eman du Plateau de Solaisonera igoeran.
Jakob Fuglsang danimarkarrak irabazi du 2017ko Criterium Dauphine, Albertville eta Plateau de Solaisonen arteko azken etapa amaituta. Ibilbideko 115 kilometroak egin eta bera bakarrik agertu da helmugan, Richie Porte gaur arteko liderrari minutu eta 15 segundoko aldea sartuta.
10 segundo denbora sariak garaipena eman dio sailkapen nagusian. Helmugan bigarrena San Martin izan da, 12 segundora, eta hirugarren Louis Meintjes, 27 segundora.
Richie Porte azken segundoraino saiatu da lidergoari eusten. Minutu eta 15 segundo galdu ditu Fulgsangekin, sailkapen nagusian zuen alde bera, eta denbora sariak danimarkarraren alde egin du.
Chris Froomek minutu eta 34 segundo galdu ditu helmugan, eta sailkapen nagusiko bigarren postuari eutsi dio. Hirugarren postua Dan Martinentzat izan da.
