Espainiako Vuelta 2023
7. etapa
Lindeman garaile, Chaves lider eta Froomek denbora galdu du
Agentziak | Erredakzioa
Mikel Nieve hamabosgarren izan da 45 segundora, eta Amets Txurruka, eguneko ihesaldiko protagonistetako bat, hamaseigarren, 51 segundora.
-
Lottoko txirrindularia, helmugara sartzen. Efe.
Lotto Jumbo taldeko Bert Jan Lindermanek irabazi du Espainiako Vueltako 7. etapa. 191,1 kilometroko ibilbidea egin dute txirrindulariek Jodar eta Alpujarra artean (Capileira). Holandarraren laugarren garaipena da profesionaletan. Esteban Chavesek (Orica-GreenEdge) lider jarraitzen du, faboritoen taldean iritsi baita.
Jardunaldiko galtzaileetako bat Chris Froome (Sky) izan da, minutu eta erdi galdu du faboritoekin.
Amets Txurruka (Caja Rural) eguneko ihesaldian izan da, Carlos Quinterorekin (Colombia), Bert Jan Lindemanekin (Lotto Jumbo), Ilia Kosheshoyekin (Lampre) eta Jerome Cousinekin (Europcar) batera. Tropel nagusiaren presioari ondo eutsi diote eta batzuek helmugaraino iristea lortu dute.
Koshevoyren eta Cousinen artean lehia sutsua izan den arren, Lindeman izan da azkenean indartsuena guztien artean, eta bere ibilbideko garaipenik garrantzitsuena erdietsi du.
