Bertsolaritza
Bertsolaritza
Unai Agirre ere izango da Gipuzkoako Bertsolari Txapelketako finalean
eitb.eus
Agirrek irabazi zuen atzo bigarren finalaurrekoa, Tolosan, eta Beñat Gaztelumendi eta Iñaki Apalategi sailkatu ziren horren atzetik. Igandean itxiko da finalisten zerrenda.
-
Unai Agirre, Tolosako finalaurrekoan. Argazkia: Bertsozale Elkartea
Unai Agirre da Gipuzkoako Bertsolari Txapelketako bigarren finalista, Alaia Martinekin batera, Tolosan jokatu zen bigarren finalaurrekoa irabazita. Usabal kiroldegian jokatutako finalaurrekoak 1.500 bertsozale baino gehiago bildu zituen.
Agirrek 517 puntu eskuratu zituen, eta horren atzetik geratu ziren Beñat Gaztelumendi (501) eta Iñaki Apalategi (493,5). Podiumetik kanpo geratu ziren, berriz, Oihana Iguaran (482), Nerea Elustondo (476) eta Beñat Lizaso (458,5).
Igandean jokatuko da hirugarren eta azken finalaurrekoa, eta orduan jakingo da nortzuk osatuko duten abenduaren 19an Donostiako Illunben izango den finalisten zerrenda.
Eibarren jokatuko da finalaurrekoa, Astelena pilotalekuan, eta Arkaitz Oiartzabal "Xamoa", Felix Zubia, Iker Gurrutxaga, Jon Maia, Mikel Artola eta Nahikari Gabilondo arituko dira lehian.
