Musika
Bira
Hans Grafek zuzenduko du aste honetan Euskadiko Orkestra Sinfonikoa
Agentziak | Erredakzioa
EOSen zuzendari titular ohia zuzendari gonbidatu gisa arituko da, bonu denboraldiaren barruan, Gasteizen, Iruñean, Bilbon eta Donostian.
-
Hans Graf EOSen zuzendari titular izan zen 1994 eta 1996 artean. Argazkia: Bruce Bennett.
Euskadiko Orkestra Sinfonikoak (EOS) bonu denboraldiari helduko dio berriro aste honetan, eta Hans Graf austriar maisua ariko da zuzendari gonbidatu gisa, ohi bezala, lau hiriburuetan. Programa astelehen honetan, martxoak 20, hasiko da, Gasteizko Principal antzokian, eta Iruñeko Baluarten (asteartean), Bilboko Euskaldunan (asteazkenean) eta Donostiako Kursaalen (ostegunean eta ostiralean) jarraituko du.
EOSek gogoratu duenez, Graf euskal orkestraren zuzendari titularra izan zen 1994tik 1996ra, hamar urtean Salzburgoko Mozarteum erakundearen orkestra zuzendu ostean. Euskal orkestran egindako aroaren ondoren, zuzendari titularra izan da Calgaryko Orkestra Filarmonikoan, Bordele Akitaniako Orkestra Nazionalean eta Houstongo Orkestra Sinfonikoan.
Zuzendari gonbidatu lanetan, Grafek lehen mailako orkestra europarrekin egin du lan, esaterako, Amsterdamgo Concertgebow, Vienako Orkestra Filarmonikoa edo Londresko Orkestra Sinfonikoa, eta, amerikar orkestren artean, Cleveland, New York, Philadelphia, Los Angeles zein San Frantziskoko orkestretan, beste askoren artean.
Orain, Hans Graf EOSekin aritzeko itzuli da, "Zorigaiztoa gainditzen" bonu denboraldiko programan. Horren barruan, Ludwig Van Beethoven, Igor Stravinsky eta Robert Schumannen lanak interpretatuko ditu euskal orkestrak.
