Itxi

kultura

Euskaltzaindiari erantzunez

Justizia Ministerioa: 'Generoaren aurkakoak diren izenak debekaturik daude'

Agentziak | Erredakzioa

Euskarazko izendegiarekin “malguagoa” izatea eskatu zion Euskaltzaindiak Justizia Ministerioari iragan astelehenean.

  • Euskaltzaindiako zuzendaritzaren bilera. Artxiboko irudia: EiTB

    Euskaltzaindiako zuzendaritzaren bilera. Artxiboko irudia: EiTB

“Okerrera eramaten duten izenak legez debekaturik daude”, gogorarazi dio Justizia Ministerioak Euskaltzaindiari, hau da, generoaren aurkakoak diren izenak ('Juan' emakumezkoentzat edo 'Juana' gizonezkoentzat, esaterako), baina izen neutro batzuk ('Elur' edo 'Alex' esaterako), ordea, ez.

Erregistro Zibileko legediak ez du eskatzen izen bakoitza genero zehatz bati lotzea, baina debekatu egiten du haurrak argi eta garbi jaioberriaren generoaren kontrakoak diren izenekin erregistratzea.

Erregistroen eta Notariotzaren Zuzendaritza Nagusiak zehaztu duenez, izen bat maskulinoa edo femeninoa den zalantzak daudenean, INFOREG, Estatistikako Institutu Nazionala, Erregistro Zibilak edo hizkuntza koofizialen akademiekin kontsultatzen da. Prozedura bera jarraitzen da zalantzak sortzen dituzten izen guztiekin.

Espainiako Gobernuaren esanetan, araudiak ez du izena emateko prozedura zorrozten; erregistro zibil bakoitzean egiten den interpretazioak bai, ordea.

Euskarazko izendegiarekin “malguagoa” izatea eskatu zion Euskaltzaindiak Justizia Ministerioari iragan astelehenean.

Andres Urrutia euskaltzainburuak adierazi zuenez, euskarazko izendegiak “ezaugarri propioak” ditu, genero ezberdintasunari dagokionez. Onomastika batzordeak aldizka aztertzen duela gogorarazi zuen Urrutiak.

k.