Itxi

kultura

Literatura

Gizakia eta naturaren arteko harremana aztertuko dute Gutun Zurian

AGENTZIAK | ERREDAKZIOA

Bilboko Letren Nazioarteko Jaialdia astearte honetan hasi da, eta igandera bitartean egingo dute Azkuna Zentroan.

  • Bernardo Atxaga Gutun Zuriaren hasierako ekitaldian. Argazkia: EFE

    Bernardo Atxaga Gutun Zuriaren hasierako ekitaldian. Argazkia: EFE

Gutun Zuria Bilboko Letren XI. Nazioarteko Jaialdian gizakiak eta literaturak naturarekin duten harremana aztertuko dute, eta horretarako hainbat autore, ikertzaile eta artista gonbidatu dituzte, hala nola, Bernardo Atxaga idazlea, Eudal Carbonell paleoarkeologoa, Stefano Mancuso neurobiologoa eta Maider Lopez sortzailea gonbidatu dituzte.

Gutun Zuriaren inaugurazio-ekitaldia arratsalde honetan egin dute Azkuna Zentroan, eta jaialdia datorren igandera arte luzatuko da.

Gaurko saioan Atxagak, Carbonellek, Mancusok eta Lopezek hartu dute hitza. Natura nola ulertzen duten azaldu dute.

Maja Lunde idazle norvegiarra eta Terry Tempest Williams ekologista estatubatuarra ere izango dira Gutun Zurian datozen egunetan. Gizateriaren biziraupenerako erleak ezinbestekoak direla defendatzeagatik da ezaguna Lunde. Berarekin batera Lars Mytting egongo da.

Jaialdiari amaiera emateko ekitaldian, Cesar Aira idazle argentinarra izango da. Argentinako idazlerik onenetakotzat jota, sarritan izan da Literaturako Nobel Saria jasotzeko hautagaia.