Itxi

Zinema

Heriotza

Bud Spencer aktorea hil da

AGENTZIAK | ERREDAKZIOA

Aktore italiarrak 50 bat pelikula eta telesailetan parte hartu zuen, baina Terence Hillekin egindako lanengatik egin zen ezaguna.

1:21

Carlo Pedersoli aktorea, Bud Spencer ezizenarekin ezaguna, astelehen honetan hil da, 86 urte zituela, haren familiak Facebook sare sozialean argitaratutako mezu baten bidez jakinarazi duenez.

Terence Hill aktorearekin batera egindako ‘spaghetti western’ filmei esker lortu zuen ospea.

Bud Spencerrek Quo Vadis (1951) pelikulan parte hartuta egin zuen debuta zineman. Terence Hillekin batera, hamabost bat film egin zituen: lehendabizikoa, 1967an, Dios perdona, yo no, eta azkena, 1994an, Y en Nochebuena se armó el belén. Arrakasta, berriz, Le llamaban Trinidad (1971) filmarekin lortu zuten.

Spencer 1929an jaio zen, Napolin, eta 50 bat filmetan eta telesailetan egin zuen lan 80ko eta 90eko hamarkadetan.

Aktore izateaz gain, kirolari profesionala ere izan zen. Italiako txapelduna izan zen igeriketan, eta olinpiar joko batzuetan ere hartu zuen parte.