Erregetako Loteriak 630 milioi euro banatuko ditu saritan

2016ko urtarrilaren 6ko Erregetako Loteriak 630 milioi euro banatuko ditu saritan, 2015eko zozketan baino 70 milioi euro gehiago (560 milioi euro).

Lehen sariak 200.000 euro banatuko ditu dezimoko, bigarrenak, 75.000 euro eta hirugarrenak, 25.000 euro. Halaber, lehen sariaren azken zenbakiaz gain, beste bi terminaziok ere saria izango dute.

2016ko berritasunetako bat Erregetako Loteriaren zozketa egingo den tokia bera izango da; izan ere, Estatuko Loteria eta Apustuen zozketen aretoan beharrean Madrilgo Arte Ederren Zirkuluan egingo da. Sarrera doakoa izango da.

Sari potoloaren azken zenbaki errepikatuenak 0 (20 aldiz), 7 (14 aldiz) eta 9 (13 aldiz) dira.

Nafarroa da batez beste gastu handiena egin duen lurraldea Estatuan (52 euro), Ceuta eta Melillaren (50 euro), Euskal Autonomia Erkidegoaren eta Valentziako erkidegoaren aurretik (49 euro).