Errege Kopa 2024

Gabarra Bilboko Itsasmuseumeko dike lehorrera itzuli da, Getxotik Bilboko udaletxeraino itsasadarra zeharkatu ondoren, joan den ostegunean, Athletic Clubek irabazitako Errege Kopako 25. titulua ospatzeko.

EA Sports Ligako 31. jardunaldiko San Mameseko partida has aurretik, Vila-realeko eta talde zuri-gorriko 84ko Errege Kopako irabazleek ohorezko pasabidea egin diete 2024ko Kopako txapeldunei.

Athleticeko zaleek Errege Kopako garaikurrarekin argazkiak ateratzeko aukera izango dute apirilaren 12, 13 eta 14an. San Mamesen ilara luzeak ikusi ahal izan dira.

Bilboko alkatearentzat atzoko egunaren balantzea "zoragarria" da. Onartu du egun osoan oso urduri egon zela hainbeste jende zegoelako, baina azkenean dena ongi atera zela ikusita oso pozik dagoela adierazi du.

Goizean goizetik ilara luzeak sortzen ari dira San Mamesen Errege Kopa gertutik ikusteko. Gaur eta bihar 09:00etatik 22:00etara egongo da zabalik San Mames. Igandean, berriz, ordutegia 09:00etatik 13:00etara izango da.

Udaletxetik Bizkaiko Foru Jauregirako ibilbidea estalkirik gabeko autobusean egin dute Athleticeko jokalariek, eta espailoiak jarraitzailez gainezka izan dira. Foru Jauregian egin dute 25. Kopa ospatzeko azken ekitaldi instituzionala.

Harrera ofiziala egin ostean, Athleticeko jokalariak Bilboko udaletxeko balkoira atera dira, eta han ospatu dute 40 urteren ondoren bereganatutako Kopa, milaka zale zuri-gorriren aurrean. Iker Muniainek zuzendu du festa.

Segizio zuri-gorriak irudi ikusgarriak utzi ditu ibilbide osoan.

Iñigo Ruiz de Galarretak adierazi du "amets bat" bete zuela Athleticera berriro itzulita, eta orain hau guztia bizitzea "sinestezina" dela beretzat.

Julen Agirrezabalak adierazi du sekulakoa dela bizitzen ari diren momentua, eta azpimarratu du, 40 urte eta gero, Athleticek eta zale zuri-gorriek merezi zutela horrelako sari bat jasotzea.

Joan den larunbatean Sevillan Errege Kopako txapeldun izan zen talde zuri-gorria garraiatzen duen 'Athletic' gabarra Abrako Itsas Klubetik (Getxo) abiatu da dagoeneko, Itsasadarrean ibilbidea egiteko, eguraldi apartarekin.

Gabarra Bizkaia Zubira iritsi denean, Athleticeko jokalariek eta Ernesto Valverde entrenatzaileak argazaki ederra egin dute, Kopa aurrean jarrita.

Angel Mari Peñagarikano bertsolariak Athletic zoriondu du bertso batekin, Errege Kopa irabazteagatik.

Milaka pertsonek bete dituzte Bilboko itsasadarraren ertzak goizean goizetik, Athleticeko jokalariak eta Errege Kopa eramango dituen gabarra gertutik ikusteko.

Bilbo hiria eta itsasadarraren ertzeko gainerako herriak jendez gainezka daude jada, gabarra Bizkaiko ibai-arteria nagusiko urak zeharkatzen hasteko zain.

Ehunka pertsona daude goizean goizetik gabarra Portugaletetik Bilborako bidean noiz igaroko zain. Errege Kopako txapeldunak 16:50ean herritik pasatzea espero da.

Gabarra 16:30ean aterako da Getxotik eta 18:35ean Bilbiko Udaletxera iritsiko dela aurreikusten da. Handik, autobusez, Bizkaiko Foru Aldundiaren egoitzara joango dira jokalariak.

Goizean goizetik milaka pertsona pilatu dira itsasadarraren ertzetan gaur arratsaldean gabarra pasatzen ikusteko. Milioi bat pertsona baino gehiago joatea espero da ospakizuna gertutik ikustera.

Batzuek gaua eman dute, beste batzuk goizean goizetik joan dira... Kontua da lehenbailehen lekua hartzea, gabarraren jaitsieraz bertatik bertara gozatzeko.

Gainera, Ertzaintzak prebentziozko ibilbideak egin ditu, airez zein urez, Athleticek Bilboko itsasadarra gabarran zeharkatu baino egun bat lehenago, Errege Kopako txapeldun gisa lortutako garaipena ospatzeko.

Bilboko itsasadarra gabarraren ondoan zeharkatuko duen Ertzaintzaren dispositiboan murgildu gara. Droneak ere erabiliko dituzte ingurunea airetik ziurtatzeko. Horrela erakutsi digute.

Athleticeko futbolariek Sevillan eskuratutako Kopa ospatu zuten Bilboko erdiguneko kaleetan zehar, Asier Villalibrek parte hartzen duen txarangak girotuta, eta ehunka jarraitzaile zuri-gorri aldamenean zituztela. Iker Muniain izan zen zeremonia-maisua.

Athleticeko kapitainak jaso eta altxatu zuen Kopa, larunbatean, Sevillan, talde zuri-gorriak finala irabazita. Orain, bideo batean agertzen da, Bilboko taldeko zaleentzako kanta bat abesten ari dela.

Athleticen gabarrak Bilboko itsasadarra zeharkatuko du berriz 40 urteren ondoren datorren ostegunean, apirilak 11. Ikusi hemen egun horretarako ezarritako segurtasun neurriak.