Hautagaiak

Sumarrek lortu egin du Eusko Legebiltzarrean sartzea. Araban erdietsi du ordezkaria, eta, horrenbestez, Alba Garcia lehendakarigaiak (Bizkaiko zerrendaburu zen) ez du parlamentari akta lortu. Entzun itzazu Alba Garcia hautagaiaren hitzak.

Amaia Martinezek eskerrak eman dizkie VOX bozkatu duten 21.000 euskal herritarrei eta Eusko Legebiltzarrean euren ahotsa eramateko lan egingo dutela esan du.

Javier de Andres hautagai popularrak Imanol Pradales jeltzaleari deitu dio, akordioa eskaintzeko, betiere "hitzartutako mugen barruan" eta edozein apurketa geldiarazteko.

Pello Otxandianok ziurtatu du emaitza historiko hauek mapa politikoa aldatu dutela, eta, beraz, aro berri batean gaudela.

PSE-EEk 12 legebiltzarkide lortu ditu (+2). Horrela, EAJk eta PSE-EEk eutsi ahalko liokete egungo koalizio gobernuari. Izan ere, jeltzaleek eta sozialistek 54 legebiltzarkide batuko lituzkete, eta gehiengo osoa 38koa da. Entzun itzazu Eneko Andueza hautagaiaren hitzak.

Imanol Pradalesek hauteskundeetan jasotako babesa eskertu du eta EAJk etorkizuneko giltza duela ziurtatu du.

Ezustekorik gabeko hauteskunde-egun honek irudi bitxiren bat ere utzi digu, hala nola, oinetakorik gabe bozkatzera joan dena edo lehen aldiz bozkatu duena, gutxigatik, gaur bertan egin dituelako urteak.

Lehendakarigaiek hauteskunde-hitzorduarekin bat egin dute, eta goizean zehar boza ematera igaro dira euren hauteslekuetatik. Oro har, bozkatzera joateko gonbita luzatu diete herritarrei

Boza eman ostean, gazteei bereziki zuzendu zaie bozkatzera joateko animatuz.

EH Bilduko koordinatzaile nagusiaren hitzetan, gaurko hauteskunde-emaitzek "berretsiko dute berriro ezker subiranistaren hazkundea estrukturala" dela.

Boza eman ostean, Martinezek adierazi du "boto ausarta eta patriotiko ugari" espero dituztela.

EAJren EBBko presidentearen esanetan, "gaurko hauteskundeak oso garrantzitsuak izango dira, gure herriaren etorkizun luzea baldintzatuko baitute".

Hautetsontzietako emaitzek euskal gizartearen "aniztasuna" adieraziko dutela azpimarratu du PSE-EEko lehendakarigaiak.

Hauteslekuetara joateko deitu ditu herritarrak, "gaur, egun garrantzitsua delako, eta Euskadin ezkerrerako bira izan daitekeelako".

Portugaleteko Santa Clara kultur-zentroan bozkatu du EAJren lehendakarigaiak. Parte-hartze zabalaren alde egin du, bozkatu osteko adierazpenetan.

Podemos Euskadiko koordinatzaile nagusiak bozkatzerako deia egin du, "boto bakoitzak demokrazia sendotzen duelako".

Lehendakaria goiztiarrenetarikoa izan da, eta 09:00ak pasata igaro da bere hauteslekutik. Parte hartzeko deia egin du, "Euskadiren ongizatea handiagoa izan dadila".

10:00ak pasata eman du boza EH Bilduko zerrendaburuak. Otxandianoren iritzian, "politika zaharkituak atzean utziko dituen aldaketarako aukera baten aurrean gaude".

Eusko Legebiltzarrean PP "erabakiorra" izango dela iragarri du Alderdi Popularreko lehendakarigaiak. 

Araban 428 mahai osatu dira, Bizkaian 1.409 eta 858 Gipuzkoan. Hauteskunde-egunaren hasieraren berri eman du 10:00etan Josu Erkoreka lehendakariordeak.

1.795.212 herritar daude botoa ematera deituta, Eusko Legebiltzarra berritzeko. Emaitzak 22:30erako aurreikusita daude.

Hautagaitza nagusietako buruek azokan erosketak egin dituzte, ibilalditxoa egin dute, alderdikideekin egon dira eta abesbatza batean kantatu dute.

EAJk, EH Bilduk, PSE-EEk, PPk, Elkarrekin Podemosek, Sumarrek eta Voxek kanpainako azken mezuak bota dituzte. Igandean, Eusko Legebiltzarra berritzera deituta daude EAEko herritarrak.

EAEko 1,8 milioi pertsonak botoa emateko aukera izango dute apirilaren 21ean, Eusko Legebiltzar berria osatze aldera. Horretarako, 14 alderdi politikoren artean, gogokoen duten hautagaitza bozkatu beharko dute.

Eusko Legebiltzarrerako hauteskundeetara deituta daude EAEko herritarrak apirilaren 21ean, igandea.

Hauteskunde kanpainaren azken-aurreko eguneko arratsaldeko mezuak.

EAJ, EH Bildu, PSE-EE, PP, Elkarrekin Podemos, Sumar eta Vox hautagaitzen mezuak.

EH Bilduren lehendakarigaiak esan du "damu" dela ETAri buruzko galdera bati emandako erantzunagatik, eta barkamena eskatu die biktime hitz horiekin haien "sentsibilitatea" zauritu bazuen (adierazpenak gaztelaniaz).

Bi egun besterik ez dira falta kanpaina amaitzeko, eta hauek izan dira gaur arratsaldeko mezu nagusiak.

Lehendakarigaiek ez dute aipatu ETAren indarkeriaren inguruan azken orduetan piztu den polemika, eta zerbitzu publikoen inguruan egin dute eztabaida batik bat.

ETB2ko eztabaidaren hasieran, lehendakarigai guztiek babesa eman diote Imanol Pradales EAJko hautagaiari, Barakaldoko mitin batean jasandako erasoagatik.