Usurbil

Apirilaren 28ra arte egongo da ikusgai bilduma, Sutegi udal liburutegian. Usurbilekin lotura zuzen duten lanak dira, kronologikoki ordenatuak, eta Zumetaren ibilbide osoa hartzen du hautaketak

Andoni Zubeldiak Usurbilen ireki zuen AZ zentroa, nutrizio ikasketak egin ondoren. Bere kontsulta nutrigenomika bidez berezitu nahi du; saioan nutrigenomika eta hezkuntza nutrizionalari buruz hitz egin digu.

'Patata beroa'ren jokoan Mikel Elizegik hanburgesen inguruko galderak egin dizkie "Biba Zuek"eko aurkezleei. Nori egingo dio eztanda puxikak? Gainera, Usurbileko Otar-goxo elikagai denda ezagutu dugu.

Lau ibilgailuk talka egin dute gaur goizean AP-8an, Usurbil eta Orio artean, Irungo noranzkoan. Gidarietako bat ibilgailuan harrapatuta geratu da, eta suhiltzaileek atera dute. Anbulantzia medikalizatu batek Donostia Ospitalera eraman du.

Auzitegi Konstituzionalak udalei euskara hutsean jarduteko eskumena ematen dien legea baliogabetu eta biharamunean, agerraldi jendetsua egin dute UEMAko kide diren udaletako hautetsiek. Iraitz Lazkano UEMAko jarduneko presidenteak irakurri du agiria: "Euskarak arnasa behar du", esan du.

Usurbilgo Ameri-Goikoa baserriko Eneritz Imazen bisita izan du gaur Joseba Arguiñanok. San Martin merkatuan saltzen ditu etxean bildutako uzta, eta salmenta hori nolakoa den kontatu du, besteak beste.

Usurbilgo Ameri Goikoa Baserrian izan gara berriro ere, baina oraingoan Eneritz Imazekin. Ilar malkoa ereiten dute bertan eta horri buruz aritu da Eneritz: noiz landatu, ilarrekin dituzten desberdintasunak eta gehiago.

Larunbatean, apirilaren 22an, hiru urte beteko dira Jose Luis Zumeta margolari handia hil zela. Aurten gainera, 50 urte beteko dira Zumetak Usurbilgo mural abstraktua egin zuela. Usoa Zumeta alabarekin izan gara.

Jon Carballorekin, Alain Beaskoarekin eta Astrid Mejíasekin bildu gara Usurbilgo Txapeldun tabernan. Bertako plateretan, produktuak ahal den gutxien eraldatzen saiatzen dira. Sukaldean, Jonek leka salteatuak ganboi eta arbendol kremarekin prestatu dizkigu.

Paulino Ibargoieni bisita egin diogu, Usurbilen duen Bordatxo tabernan. Haragi egosia da hango plater ezagunenetako bat eta nola prestatzen duen erakutsi digu.

Marijo Lopezekin izan da gaur Iñigo Antsorregi. 7 urte edan gabe daramatzan arren, alkoholarekin arazoak izan zituen eta esperientzia hori kontatzera etorri da.

Zaintza sistemaren eraldaketa mahai gainean dago aspaldi eta jarraitu nahi den eredua da, ahal den neurrian, norbere etxearen kontzeptutik ahalik eta gertuen egotea egoitzak.

Euskotrenek jakitera eman duenez, gaur goizeko lehen orduan haize-bolada bortitzen ondorioz zuhaitz bat erori da katenariaren gainean, Usurbil eta Orio artean.

Pablo Hermoso de Mendozak eta bere semeak ireki dute txotx denboraldia Usurbilgo Saizar sagardotegian.

45 urte egin ditu Mari Karmen Mitxelenak irakaskuntzan. Hasieran klandestinitatean, Ikastolaren sortzaileetakoa da eta andereño praktikak Elbira Zipitriarekin egin zituen. Gaur gurean izan da Elbira omentzeko asmoz.