Publizitatea
X

Irratia zuzenean

BAD jaialdiaren 2017ko edizioa EiTB Kultura Transit saioan

Eitb Kultura

ETB1en eta ETB2n

BAD jaialdiaren aurtengo edizioaz, gaur, 'EiTB Kultura Transit' saioan

EITB

2017/10/12

Sortzaileak atalak Eli Garmendia argazkilari tolosarraren lana ezagutuko du.

  • Partekatu
  • Bidali

Iruzkinak

Bilboko BAD jaialdiak emango duenaz eta Tolosako Eli Garmendia argazkilariaren lanaz arituko dira gaur gauean 'EiTB Kultura Transit' saioan.

Antzerkiak eta dantza garaikideak gauza berriak bizi eta sentitzera bultzatzen gaituzte. BAD Antzerki eta Dantza Garaikideko Bilboko jaialdiaren hurrengo edizioak, datorren urriak 20tik 29ra, erreferentziazko nazioarteko artisten lanak erakutsiko dizkigu, baita euskal sortzaileenak ere.

Lan hauen artean, jaialdiak berak ekoiztutako piezak ere badaude. Horien artean, Buñuel, Pabellon 6-k sortu eta Ramon Bareak zuzendutako antzezlana: Buñuel zinemagilearen ikono eta irudiak batuz, artearen, estetikaren eta bizitzaren inguruko hausnarketa egitera gonbidatzen gaitu. 'EiTB Kultura Transit' saioa entseguetan izan da.

Gainera, saioak gertutik jarraitu ditu Nerea Martinezen Bilaka obraren prestaketa lanak. Bertan, euskal dantza tradizionalaren eta dantza garaikidearen mugimenduen garapena aztertzen ditu.

Aurtengo BAD jaialdian, eszena berriaren azkeneko joerak ikusiko ditugu, non dantzak eta performance ikustaldiak antzerkiak baino garrantzia handiagoa hartzen ari diren. Hogei konpainia ezberdinen lanak izango dira ikusgai, horien artean, bederatzi euskaldun, eta gehienak, estreinaldiak izango dira.

Eli Garmendia argazkilaria

Eli Garmendia argazkilari tolosarra da aste honetako Sortzaileak atalean protagonista. Urteak daramatza Bartzelonan bizitzen eta bertan egiten du lan, baina bere azken proiektuarekin sustraietara buelta irudikatu du, natura eta bereziki basoa ardatz hartuta. 'El bosque dormido' du izena bere azken lanak.

Lagun poeta batekin sortutako elkarrizketa-artistiko batetik jaio eta Letoniako basoetan garatu du proiektua, beti ere PeterisVasks konposatzaile letoniarraren musikak lagunduta. ETBko lan-taldea ere basoan murgildu da berarekin, Tolosaldeko mendietan, argazkilariaren lana ezagutzeko.

'EiTB Kultura Transit' gaur izango da ikusgai 23:45ean ETB1en eta 00:30ean ETB2n.

Iruzkinak

Publizitatea
Publizitatea
Telesaila Basakabi udalekuetako gazteen gora-beherak Telesaila
Gure Kasa Gazteen sentimenduak azaleratzen dituen saioa Gure Kasa
Ur Handitan Gizarteko gaien erreportaje sakonak Ur Handitan
Oztopo lasterketa Abenturazko realitya Oztopo lasterketa
Publizitatea
Prentsa Aretoa Prentsa oharrak, deialdiak, agenda, fototeka,… Prentsa Aretoa
Publizitatea
Publizitatea

Bisitatuena

    Kargatzen ikusiena
        Kargatzen ikusiena