Go!azen
2. ataleko aurrerapena
Naiaren urtebetetzea ospatuko dute gaur 'Go!azen'en!
A.A. | EiTB
Zuzenek Desi kontratatuko du begirale gisa, Basakabi "modernizatzen" lagundu diezaion. 21:00etan izango da ikusgai eitb.eus-en eta ETB1en.
Informazio gehiago (2)
Naia Badiolaren urtebetetze festa ospatuko dute 'Go!azen' telesailaren bigarren atalean, gaur. 21:00etan hasita, Zuzenek Desi kontratatuko duela ere ikusiko dugu ETB1en eta eitb.eus-en ikusgai izango den saioan.
Naia Badiolak 16 urte beteko ditu Basakabi udalekuetan dagoela. Data oso berezia da harentzat eta bere lagunentzat; izan ere, berak aitortuko duen bezala, minbizia izan zuen garaian "ez zituela beteko" pentsatzera ere iritsi zen.
Hori dela eta, lagunek festa sorpresa bat antolatuko diote, isilpean, eta, Nikoleren laguntzarekin, udalekuko ikasle guztiak bertan izatea lortuko dute. Baina Nikole haserre dago Naiarekin, Erikaren aurrean salatu zuela uste duelako. Asmo onak eramango ote ditu festara?
Bestetik, udalekua gainbeheran doala eta, kongregaziotik zerbait egiteko eskatu diote Zuzeni, eta honek Desi kontratatzea erabaki du, udalekuko filosofia ezagutzen duelako eta, youtuber ezaguna denez, modernitatea ekarriko duelako. Beraz, Basakabi modernizatzeko ekintzak egiteko eskatuko dio. Baina dena ez da zoragarria izango Desirentzat, proposatzen dituenak martxan jartzeko zailtasun bat baino gehiago izango baititu.
Azkenik, Gari eta Eli ere hor dabiltza, bai eta ez, ez eta bai. Elkarrekin gelditzen dira, baina Garik beti ditu arazoak hitzordu horietara joateko, eta Elik ez du pazientzia askorik, ez du jasaten gezurra esaterik.
Gogoratu atalaren emisioaren ondoren, Altxor Ezkutuaren kode berri bat jakinaraziko duela aktoreetako batek. Kode hori 'Go!azen APP'n sartu eta bideo berezi berri bat ikusi ahal izango duzue. Aurreko asteko bideo berezia EOSekin grabatutako sekuentziari buruzkoa izan zen.
