Hodei Ugarte Etxegarai

Arantza eta Jagobaren semea da Hodei. Jaiotzetik zoritxarraren aurka borrokatu behar izan duen gaztea da. Haurtzaroan Talasemia izeneko gaixotasuna pairatu zuen eta hil ala biziko egoeran ikusi zuen bere burua. Ondoren, aldiz, leuzemia pasa du. Eta sendatu ahal izateko AEBetara joan behar izan zuen amarekin batera.

Hodei kementsua eta inkonformista hutsa da. Gustatzen ez zaiona aldatzeko prest dago beti eta bere leloa honakoa da: "Bizitza oparia da, aprobetxatu beharra dago".

Baina azken aldian, arazoak ditu batez ere bere arreba Taniarekin. Tania adoptatua da eta, Hodeik leuzemia izan duen garaian, maiteminduta daudela ohartu dira biak. Taniak ez ditu sentimentu horiek onartu nahi eta tentsioa dago bien artean.