Irudigintzari buruz arituko da, asteburuan, 'Teknopolis' saioak

Aste honetako 'Teknopolis' saioan irudigintzan izan diren aurrerapenen errepasoa egingo dute, aro kimikotik aro digitalera.

Zinemaren historia errepasatzean ezustekoak ere aurkitzen dira batzuetan: 1936. urtean ekoitzi zen Euskal Herriari buruzko lehen 3D filma. Dokumental horren nondik norakoak eta teknologia 'moderno' honen hastapenak ezagutuko dituzte.

Eta aurrerapen handiak izan dira ibilgailu elektrikoen alorrean ere. Ondorioz, merkatuan lekua egiten ari dira. Gidatzeko modu desberdin bat dakar auto elektrikoak: isila eta leunagoa, baina potentziarik galdu gabe.

'Teknopolis' larunbatean 13:00etan dago ikusgai, ETB1en; eta igandean, 10:00etan, ETB2.